महाबळेश्वर : मंगळवार दि.०६/०२/२०२४ रोजी सातारा जिल्हा परिषद सातारा आयोजित स्व.यशवंतराव चव्हाण बाल क्रीडा स्पर्धेमध्ये महाबळेश्वर तालुक्याचे प्रतिनिधित्व करताना जि.प.प्राथ.शाळा कासवंडचा विद्यार्थी कु.सोहम सागर जाधव याने ६० मीटर धावणे स्पर्धेत प्रथम क्रमांक पटकवला आहे. गतवर्षी अपयश मिळाल्याने खचून न जाता जिद्दीने पुन्हा तयारी करून मार्गदर्शक शिक्षक श्री.तानाजी नगरे सर आणि विजेता कु. सोहम जाधव यांनी यशाचे नियोजन केले आणि गतवर्षी हातून निसटलेला विजय मिळवण्यात यश आणले.
       तालुक्याचे प्रेरणास्थान असलेेले सर्वांचे मार्गदर्शक आदरणीय गटशिक्षणाधिकारी श्री.आनंदजी पळसे साहेब यांनी  सोहमचे कौतुक केले आहे तसेच तालुक्यातील सर्वच शिक्षकांनीही विजयाबद्दल कौतुक केले आहे. शाळेचे मुख्याध्यापक श्री.भाऊसाहेब दानवले गुरूजी यांनी आपला महाबळेश्वर जसा उंचीवर आहे तसाच खेळातही उंचीवर आहे हे आजच्या यशातून दिसून आले असे मत व्यक्त केले.
       सोहमचे तसेच शिक्षकांचे सर्व स्तरातून कौतुक होत आहे त्याबद्दल सोहमचे पालक सागर जाधव यांनी सर्वांचे आभार व्यक्त केले आहेत.