खंडाळा : कुत्र्याला दगड का मारलास म्हणून एकास मारहाण करण्यात आली या प्रकरणी शिरवळ पोलिस स्टेशन मध्ये दोघांवर गुन्हा दाखल करण्यात आला आहे. शिरवळ पोलिसांकडून मिळालेली माहिती अशी की ता ३१ डिसेंबर रोजी दुपारी १२:३० वाजताचे सुमारास मौजे भोळी, ता. खंडाळा, जि.सातारा गावचे हद्दीत महादेव मंदिर शेजारील परड्याकडे गावातुन अशितोष चौधरी ( फिर्यादी ) हे चालत जात असताना महादेव लक्ष्मण चव्हाण यांनी त्यांचे कुत्र्यास मोकळे सोडले ते कोणालाही चावेल, जखमी करेल याची त्यांना जाणीव असतानाही त्यांनी त्यास बांधुन न ठेवता खुले सोडुन हयगयीचे कृत्य केल्याने सदर कुत्र्याने फिर्यादी यांच्या डावे पायाचे नडगीवर चावा घेवुन फिर्यादी यास जखमी केले. त्यामुळे फिर्यादी याने चावा सोडविण्यासाठी कुत्र्यास दगड मारला असता या कारणावरून चिडून जाऊन कुल्ल्याचे मालक १) सुरेखा महादेव चव्हाण २) महादेव लक्ष्मण चव्हाण दोन्ही रा.
भोळी, ता. खंडाळा, यांनी तु आमचे कुत्र्याला दगड का मारलास असे म्हणुन शिविगाळ करुन त्या दोघांनी फिर्यादी याच्या पाठीत व पायावर काठीने मारहाण करुन मुका मार दिला. म्हणुन त्याचेविरुद्ध शिरवळ पोलिस स्टेशन मध्ये फिर्यादी याने तक्रार दाखल केली आहे. याचा अधिक तपास शिरवळ पोलिस करीत आहेत.