सासपडे . सासपडे ,तालूका सातारा येथील टोटराई नावाच्या शिवारात पवार कुटूंबीयांच्या विहिरीजवळ असणारे चार फुट व्यासाचे चंदनाचे झाड परराज्यातील इसमांनी तोडले.परंतू विहीर मालक पहाटेच्या सुमारास मोटर चालू करण्यासाठी गेले असता झाडांची कत्तल होत असल्याचे निदर्शनास आले.विहीर मालक श्री संदीप पवार यांनी आरडाओरड केली परंतू शिवारात शेतकरी नसल्याने कोणीही येऊ शकले नाही. याच संधीचा फायदा घेऊन या अनोळखी इसमांनी संदिप पवार यांना बेदम मारहाण केली. सदरचे इसम हे गेली दोन महिने झाले वास्तव्यास असून, हे परराज्यातील इसम हे सासपडे गावातील बेघर वस्तीमधील अनिल रमेश मोरे भंगार व्यावसायिक यांचे नातेवाईक असल्याचे दिसून येते. सदर घटनेची फिर्याद बोरगाव पोलिस ठाण्यात संदिप पवार यांनी दिली. परंतू सदर घटनेला गांभीर्याने घेतले नसल्याने सासपडे ग्रामस्थांनी नाराजी व्यक्त केली.चंदन चोरीच्या ठिकाणी पोलिस पाटील यादव मॅडम, तंटामुक्ती समितीचे अध्यक्ष श्री निशीकांत यादव , कोतवाल राहूल यादव यांनी प्रत्यक्ष भेट देऊन परराज्यातील , अनोळखी इसम शिवारात,गावात संशयास्पद हालचाली दिसून आल्यास कळवावे असे सांगितले. याला एक दिवस होत नाही तो पर्यंत वन्य पशू डुक्कारची शिकार करताना आढळून आली.
    हे परराज्यातील इसम ज्या अनिल रमेश मोरे या भंगार व्यावसायिकाचे नातेवाईक असल्यामुळे प्रथम अनिल मोरे वर  कायदेशीर कारवाई करावी अशी मागणी ग्रामस्थांमधून होत आहे. गावातील बरीच चंदनाची झाडे चोरीला गेली असल्याने या टोळीचा बंदोबस्त करावा.अशी मागणी ग्रामस्थांमधून पोलिस पाटील आणि तंटामुक्ती अध्यक्ष यांचेमार्फत पोलिसांना केली आहे.पोलिसांनी अदखलपात्र गुन्हा दाखल केल्याने ग्रामस्थ नाराज झाल्याचे दिसून येत आहे.