सातारा : एकास मारहाण केल्याप्रकरणी दहा जणांवर सातारा शहर पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेली माहिती अशी, दि. 17 मार्च रोजी रात्री साडेनऊ वाजण्याच्या सुमारास अजंठा चौक, देगाव फाटा पुलाच्या खाली रितेश कात्रे राहणार माने कॉलनी, तेजस घोरपडे राहणार अमर लक्ष्मी, यश सावंत राहणार अहिरे कॉलनी, कुणाल कदम राहणार देगाव फाटा, हर्षवर्धन मोरे राहणार भगवा कट्टा व इतर चार ते पाच जण यांनी आर्यन अंकुश कळंत्रे राहणार गणेश चौक, कोडोली तसेच त्याच्या सोबतीचे तीन मित्र यांना मारहाण करण्यास सुरुवात केली यावेळी आर्यन याचा पायात पाय अडकल्याने तो पडला. त्यावेळी यश सावंत व तेजस घोरपडे या दोघांनी आर्यन याच्या डोक्यात व पाठीत दगड मारले आणि बाकीच्यांनी हाताने व लाथाबुक्क्यांनी मारहाण केली. याबाबतची नोंद सातारा शहर पोलीस ठाण्यात करण्यात आली असून अधिक तपास सहाय्यक पोलीस निरीक्षक सूर्यवंशी करीत आहेत.
प्रकाश शिंदे 
