सातारा : डॉ. बाबासाहेब आंबेडकर जयंती महोत्सव समितीतर्फे भगवान गौतम बुद्ध यांच्या २५६६ व्या जयंतीनिमित्त विविध कार्यक्रमांचे आयोजन करण्यात आले होते.
      धम्ममय वातावरणात पाटण शहरातील डाॅ. बाबासाहेब आंबेडकर स्मारकमध्ये विविध कार्यक्रमाचे आयोजन करण्यात आले  होते. यावेळी धम्मबांधव समतावादी विचारधारेच्या संघटना,संस्था, मंडळे, पक्ष, समता सैनीक दल आदी तत्सम संघटनेचे पदाधिकारी,कार्यकर्ते व उपासक-उपासिका मोठ्या संख्येनी उपस्थित होते. प्रारंभी, डॉ. बाबासाहेब आंबेडकर व भ.बुद्धा यांच्या पुतळ्यास बंधुत्व प्रतिष्ठानचे संस्थापक अनिल वीर यांच्या हस्ते पुष्पहार अर्पण करून अभिवादन करण्यात आले. अध्यक्षस्थानी ऍड.संदीप कांबळे होते. 
    शशिकांत देवकांत यांच्या मार्गदर्शनाखाली संपूर्ण विधी पार पाडला.यावेळी गोड अल्पोपहाराचा आस्वाद उपस्थितांनी घेतला.बुद्धांच्या विचारांची आज गरज आहे.या अनुषंगाने मान्यवरांनी विचार व्यक्त केले.प्रा.रवींद्र सोनवले यांनी सूत्रसंचालन केले.यावेळी बी.एस.कदम,अनंत(बुवा)कांबळे,सुषमा लादे,सागर जाधव,रुपाली कांबळे,संजय कांबळे,कृष्णा भोळे आदी उपासक-उपासिका उपस्थित होत्या.