सातारा :बेकायदेशीर शस्त्र बाळगणाऱया इसमास पकडून दोन गावठी पिस्टल व एक जिवंत राउंड असा एकूण 1 लाख 80 हजार 200 रूपये किंमतीचा मुद्देमाल हस्तगत करण्यास स्थानिक गुन्हे शाखेला यश आले आहे. याप्रकरणी अलतमेश हसन तांबोळी(वय 22, रा. मंगळवार पेठ सातारा) याला अटक करण्यात आली आहे. पोलिसांनी दिलेली माहिती अशी, स्थानिक गुन्हे शाखेचे पोलीस निरीक्षक किशोर धुमाळ यांना गोपनिय माहिती मिळाली की, अलतमेश तांबोळी हा माजगांव फाटा ता. सातारा येथे गावठा पिस्टल विक्री करण्यासाठी घेवून येणार आहे. यानुसार त्या ठिकाणी सापळा लावून कारवाई करण्यासाठी सहायक पोलीस निरीक्षक रमेश गर्जे, पोलीस उपनिरीक्षक अमित पाटील यांच्या मार्गदर्शनाखाली पथक तयार करण्यात आले. शनिवार दि. 20 रोजी सायंकाळी 8.30 वाजण्याच्या सुमारास अलतमेश हा माजगांव फाटा येथे आला. यावेळी त्याला पकडून त्यांची अंगझडती घेण्यात आली. यावेळी त्याच्या ताब्यात दोन देशी बनावटीची पिस्टल, एक जिवंत काडतुस व एक मोपेड गाडी असा एकून 1 लाख 80 हजार 200 रूपये किंमतीचा मुद्देमाल हस्तगत करण्यात आला. या कारवाईत पोलीस अंमलदार उत्तमराव दबडे, तानाजी माने, विजय कांबळे, संतोष सपकाळ, संजय शिर्के, संतोष पवार, अतिश घाडगे, शरद बेबले, साबीर मुल्ला, लक्ष्मण जगधने, मंगेश महाडीक, प्रविण फडतरे, मुनीर मुल्ला, निलेश काटकर, मोहन पवार, विशाल पवार, रोहित निकम, पृथ्वीराज जाधव, वैभव सावंत, सचिन ससाने, प्रविण पवार, मयुर देशमुख, मोहसीन मोमीण, संकेत निकम, गणेश कचरे यांनी सहभाग घेतला.