वाठार स्टेशन :  महाराष्ट्रातील भावी भक्तांचे श्रद्धास्थान समजले जाणारे वाठार स्टेशन येथील श्री समर्थ भगवान वाग्देव महाराज यांच्या पुण्यतिथी निमित्ताने दरवर्षी रथोत्सवाचे आयोजन करण्यात येते परंतु गेली तीन वर्षे झाले भारतावरती आलेल्या मोठ्या महाभयंकर कोरोना या आपत्तीमुळे रथोत्सव घेण्यात आला नव्हता मात्र यावर्षी श्री समर्थ भगवान वाग्देव महाराज यांच्या ८७ व्या पुण्यतिथी निमित्ताने श्री ग्रंथराज ज्ञानेश्वरी पारायण सोहळा व ५ जानेवारी रोजी रथोत्सवाचे मोठ्या प्रमाणावर आयोजन करण्यात आले आहे.
या पारायण सोहळ्याचे वैशिष्ट्य पाहता महाराष्ट्रातून ज्येष्ठ व श्रेष्ठ कीर्तनकारांची यावेळी या पारायण सोहळ्यामध्ये मांदियाळी पहावयास मिळाली गेली तीन वर्षे पारायण सोहळा छोटेखानी झाल्यामुळे  यावर्षी वाठार स्टेशन नागरिक व महाराष्ट्रातील भावी भक्तगणांमध्ये मोठ्या प्रमाणात उत्साहाचे वातावरण दिसून येत आहे तसे पाहिले तर या रथोत्सवामध्ये उंट, घोडे,  नामांकित बँड तसेच फटाक्यांच्या आतिषबाजीत संपूर्ण वाठार नगरीत हा रथ फिरवण्यात येतो
श्री समर्थ भगवान वाग्देव महाराज यांच्या पारायण सोहळ्यामध्ये यावर्षी महाराष्ट्रातील ज्येष्ठ व नामवंत कीर्तनकार यांची मांदयाळी पहावयास मिळाली व या कीर्तनांना वाठार स्टेशन पंचक्रोशीमधील नागरिकांनी तोबा गर्दी करून तसेच रेकॉर्ड ब्रेक गर्दी करून कार्यक्रमाची शोभा द्विगुणीत केली.
यावर्षी श्री समर्थ भगवान वाग्देव महाराज यांच्या ८७ व्या पुण्यतिथी निमित्ताने 5 जानेवारी रोजी सकाळी १० वाजता रथ पूजन बालयोगी श्री. सदानंद महाराज, तीर्थक्षेत्र परशुरामकुंड, तुंगारेश्वर पर्वत, ता. वसई, जि. पालघर यांच्या शुभहस्ते तसेच मान्यवरांच्या उपस्थितीत संपन्न होणार आहे. 
वाठार स्टेशन नगरीमध्ये या होणाऱ्या ५ जानेवारीच्या रथ यात्रा सोहळ्याची मोठ्या प्रमाणात जय्यत तयारी नागरिक करताना दिसून येत आहेत.