सातारा : सातारा भाजप जिल्हाध्यक्ष धैर्यशील कदम यांचे शनिवारी दुपारी दोन वाजता शिरवळ येथे आगमन होत असून खंडाळा तालुक्यातील भाजप पदाधिकारी आणि कार्यकर्ते त्यांचे जंगी स्वागत करून त्यांना शुभेच्छा देणार आहेत. धैर्यशील कदम यांच्या स्वागतासह पदग्रहण समारंभ येथील साताऱ्यात एका खाजगी हॉटेलमध्ये आयोजित करण्यात आला आहे.
खंडाळा येथे कदम यांचे स्वागत होणार असून पुढे कवठे तालुका वाई येथे देशभक्त किसन वीर आबा यांच्या पुतळ्यास पुष्पहार अर्पण करून अभिवादन केले जाणार आहे. दुपारी तीन वाजता साताऱ्यातील बॉम्बे रेस्टॉरंट येथे जिल्ह्यातील सर्वच पदाधिकारी व कार्यकर्ते कदम यांचे स्वागत करून त्यांना शुभेच्छा देणार आहेत. त्यानंतर पोवई नाका येथे छत्रपती शिवाजी महाराज आणि स्वर्गीय यशवंतराव चव्हाण यांच्या पुतळ्याला पुष्पहार अर्पण करून पुढे विश्वरत्न डॉ बाबासाहेब आंबेडकर आणि लोकशाहीर आण्णाभाऊ साठे यांच्या पुतळ्याला पुष्पहार अर्पण केला जाणार आहे.

येथील हॉटेल लेक व्ह्यू येथे साडेतीन वाजता धैर्यशील कदम पत्रकारांशी संवाद साधणार आहेत. धैर्यशील कदम यांना जिल्हाध्यक्ष पदाची सूत्रे देण्यात आल्यामुळे भाजप जिल्हा कार्यकारणी मध्ये विशेषत: कराड उत्तर मतदार संघामध्ये विशेष आनंदाचे वातावरण आहे. या कार्यक्रमास आमदार जयकुमार गोरे हे उपस्थित राहणार असल्याचे सांगितले जात आहे.