वडूथ : वडूथ ता. सातारा येथे श्री ग्रामदैवत म्हातोबाचे दर्शन घेऊन ग्रामस्थांशी संवाद साधला तसेच परिसरातील विविध विकासकामांचा आढावा घेतला. यावेळी देशसेवेत रुजू झालेल्या नवतरुणांचा सन्मान केला व त्यांच्याशी हितगुज केले. यावेळी मा गीतांजली ताई कदम भा.ज.पा. कार्यकारिणी सदस्या इतर पदाधिकारी व ग्रामस्थ मोठ्या प्रमाणात उपस्थित होते.

वडूथ या गावाला ऐतिहासिक वारसा आहे सातारा शहराचे निर्माते श्रीमंत छत्रपती शाहु महाराज यांचे या गावाशी ऋणानुबंध होते त्यांनी कृष्णा नदीकाठच्या व त्या भागाच्या विकासाच्या अनुषंगाने पुलाची, तसेच घाटाची निर्मिती केली आजही या वास्तू मोठ्या दिमाखात उभ्या आहेत. या जुन्या वास्तूंच्या जतन करण्याच्या अनुषंगाने आज गावातील तरुणांनी तळमळ व्यक्त केली त्याला दुजोरा देत पुलाची, घाटाची काळजी घेतली जाईल, त्यांचे जतन केले जाईल तसेच त्यासाठी लागेल तो निधी उपलब्ध करून दिला जाईल हा शब्द दिला.