सातारा : पद्मश्री स्वर्गीय प्राध्यापक वसंत कानेटकर यांच्या जन्मशताब्दी वर्षानिमित्त श्री चौंडेश्वरी एज्युकेशन सोसायटी रहिमतपूर, महाराष्ट्र साहित्य परिषद पुणे शाखा-रहिमतपूर व कै. उमाताई शंकर कानेटकर सार्वजनिक ग्रंथालय रहिमतपूर यांच्या संयुक्त विद्यमाने आयोजित केलेल्या राज्यस्तरीय शालेय गट नाट्य प्रवेश सादरीकरण स्पर्धेत श्री कोल्हेश्वर विद्यालय तांदुळवाडी मंगळापुर या विद्यालयाने द्वितीय क्रमांक पटकावला.
स्पर्धेचे उद्घाटन शिवसेनेचे उपनेते प्रा. नितीन बानगुडे पाटील यांच्या शुभहस्ते झाले. परीक्षक म्हणून प्राध्यापक प्रफुल्ल कुमार कांबळे, सौ हेमांगी जोशी व श्री सोळसकर यांनी कामकाज पाहिले.
 श्रुती श्रीकांत जाधव  मृणाली मिलिंद क्षीरसागर, अमृता संतोष लोहार, रिद्धी चंद्रकांत शिंदे या विद्यार्थिनींनी अश्रूंची झाली फुले  या वसंत कानिटकर लिखित नाटकातील नाट्य प्रवेश सादर केला होता. या विद्यार्थ्यांना डॉ सौ प्रियाताई शिंदे व आंतरराष्ट्रीय पर्यावरण तज्ञ डॉ राजेंद्र शेंडे यांच्या शुभहस्ते व मान्यवरांच्या उपस्थितीत स्मृतिचिन्ह, प्रमाणपत्र व रोख चार हजार रुपयांचे पारितोषिक देऊन गौरविण्यात आले.
या विद्यार्थ्यांना  मुख्याध्यापक श्री सत्यवान शिर्के,यास्मिन बागवान यांनी मार्गदर्शन केले होते.
विद्यार्थ्यांच्या या यशाबद्दल श्री चौंडेश्वरी एज्युकेशन सोसायटीच्या अध्यक्षा आशा भोसले,उपाध्यक्ष शिवाजीराव माने, सचिव अरुण माने, कोषाध्यक्ष शिवाजी शिंदे, सहसचिव किरण भोसले, संस्थेचे सर्व संचालक,पालक व ग्रामस्थ यांनी अभिनंदन केले आहे