सातारा : लिंब (ता. सातारा) गावच्या हद्दीत असणाऱ्या पेट्रोल पंपाच्या पाठीमागे पुणे बेंगलोर हायवेलगत चालणाऱ्या वेश्या व्यवसायावर तालुका पोलिसांनी कारवाई आहे. याप्रकरणी शैलेंद्र शशी नायर (मुळ रा. केरळ, सध्या रा. लिंब ता. सातारा), अल्पवयीन मुलीसह तीन महिलांना ताब्यात घेण्यात आले आहे.

सदर प्रकरणाची पोलिसांनी दिलेली माहिती अशी, लिंब फाटा (ता.सातारा) *परिसरात असणाऱ्या पेटोल पंपाच्या राष्ट्रीय महामार्गावर पत्र्याच्या खोल्यामध्ये शैलेंद्र नायर भाड्याने राहत आहे. या खोल्यामध्ये तो बेकायदेशीर वेश्या व्यवसाय चालवून मिळणाऱ्या कमिशनवर आपली उपजिविका चालवत होता. ही गोपनिय माहिती तालुका पोलिसांना मिळाली. पोलिसांनी एक बोगस पंटर पाठवून वेश्या व्यवसाय सुरू असल्याची खात्री केली आणि शनिवारी छापा टाकला. यावेळी शैलेंद्रने बाहेरील राज्यातून ३ महिला यांना वेश्या व्यवसायाकरता आणल्या असल्याचे निष्पन्न झाले. पोलिसांनी त्याच्यासह अल्पवयीन मुलगी व महिलांना ताब्यात घेतले. त्यांच्यावर गुन्हा दाखल करून कारवाई करण्यात आली आहे. सदर वैश्या व्यावसाय बऱ्याच दिवसांपासून सुरु होता मात्र त्याचा थागपथाच लागत नव्हता.

या कारवाईत सहायक पोलीस निरीक्षक अभिजीत चौधरी, महिला पोलीस उपनिरीक्षक शितल जाधव, सहायक फौजदार वंजारी, पोलीस हवालदार सुहास पवार, पोलीस नाईक मालोजी चव्हाण, धीरज कुंभार, किरण जगताप, रमेश शिखरे, विश्वनाथ आंब्राळे, महिला पोलीस नाईक सिमा भुजबळ यांनी घेतला