सासपडे  :- सातारा तालुक्यातील परंतू कराड आणि पाटण या तिन्ही तालुक्याच्या हद्दीतील गावातील लोकांना तसेच तारळे ता.पाटण भागात जाणारे प्रवासी, रात्री उशिरा वेगवेगळ्या कंपन्या,साखर कारखाने या मधुन रात्रीच्या वेळी आपापल्या घरी जाणाऱ्या प्रवाशांना अडवून, कोयत्याचा धाक दाखवून मारहाण लुटालूट करण्याच्या उद्देशाने दहशत निर्माण करणारी टोळी सक्रिय झाल्याचे दिसून येत आहे. मागील महिन्यात चंदन चोरांनी, तसेच भंगार चोरट्यांनी गावात धुमाकूळ घातला होता. ही घटना ताजी असतानाच आत्ता रात्री ९.०० च्या सुमारास वाहने अडवून कोयत्याचा धाक दाखवून मारहाण व लुटालूट करण्याचा प्रकार घडला, यांची कल्पना बोरगाव पोलिसांना दिली असून पोलिस तात्काळ घटनास्थळी दाखल झाले. परंतू कोयत्याचा धाक दाखवून वाहने अडविण्याचा नवीनच प्रकार घडू लागल्याने बोरगाव पोलिसांना चोरट्यांनी एक प्रकारे आव्हानच दिले असल्याचे दिसून येत आहे. गावामध्ये रात्र गस्त चालू असून चोरट्यांच्या शोध घेण्यासाठी सासपडे -गणेशवाडी येथील युवकांनी संयुक्त मोहीम आखली आहे.त्यासाठी उद्या पहाटे पासून सुरुवात करणार आहेत. बोरगाव पोलिस ठाण्यात कर्मचारी संख्या कमी असून आणखी कर्मचारी नियुक्त करण्यात यावेत यासाठी जिल्हा पोलिस अधीक्षक यांची भेट घेणार असल्याचे युवकांनी सांगितले.