सातारा : सातारकर जनतेला आवाहन आहे कि जगाच्या इतिहासात नोंद आहे अशी ऐतिहासिक कामगिरी केलेले महान योद्धे सातारच्या मातीने दिलेत. छत्रपती शिवराय, कण्हेरखेडचे श्रीमंत महादजी शिंदे, शंभूराजे यांच्या मातोश्री सईबाई फलटणच्या, धावडशीच्या महाराणी लक्ष्मीबाई (झाशीच्या रणरागिणी ), तळबीडचे हंबीरराव मोहिते, भोसरे येथील प्रतापराव गुजर, तानाजी मालुसरे, गोडोली अशी अनेक नावे समोर येतात.

ह्या सर्व महापुरुषांच्या कामगिरीमुळे आज आपण आहोत, यांच्या कार्याची परतफेड आपल्याकडून कधीही होऊ शकणार नाही, अशा महापुरुषांच्या आदर, सन्मानाची काळजी घेणे ही आपली जबाबदारीअसताना, अलीकडच्या काळात सुमार, बाजारू, सुमार दर्जाच्या, भ्रष्टाचार करणाऱ्या भाडोत्री लोकप्रतिनिधी यांच्या चाहत्यांनी स्वतःचा राजकीय रोजीरोटीचा धंदा चालण्यासाठी गावागावात अशा लोकांना महापुरुषांच्या यादीत स्थान दिलं आहे, महापुरुषांच्या फोटोशेजारी राजकारणी दिसू लागलेत. ही अक्षरशः त्या महापुरुषांची अप्रत्यक्ष विटंबना आहे ही जी ताबडतोब थांबली पाहिजे.

आमच्या कण्हेरखेड गावाला श्रीमंत महाराजा महादजी शिंदे यांच्या पुण्य कर्तृवामुळे जो सन्मान आम्हाला मिळतो त्याची परतफेड आम्ही कधीही करू शकणार नाही. परंतु काही कर्मदरिद्री घटकांनी गावासाठी कसलंही योगदान नसताना, आपल्या बापजाद्यांच्या दैदिप्यामान इतिहासाची वाट लावण्याचा घाट  घातला आहे. त्यांनी स्वतःचं घर चालवण्यासाठी  कोणत्याही सुमार नेतृत्वाना महादजी बाबा यांच्या श्रेणीत बसवण्याचा नालयाकपणा केलेला दिसतोय.

बोपगांव गावचे मयत श्री लक्ष्मण पाटील यांचं आमच्या गावासाठी काहीही योगदान नाही, त्यांच्या प्रेरणेची आम्हाला कसलीच आवश्यकता नाही  हे आम्ही त्यांच्या कुटुंबातील सदस्य यांना कळवले आहे, त्यांनी तो फोटो सन्मानपूर्वक स्वतःच्या ताब्यात घ्यावा असं कळवलं आहे. गंभीर बाब म्हणजे स्वतः बोपेगावच्या सोसायटी चेअरमन यांनी श्रीमंत महादजी शिंदे बाबा यांच्या सन्मानात कोणताही फोटो लावण्याची आवश्यकता नाही असे कळवले आहे. आम्ही सर्व कण्हेरखेडंचे शिंदे वं 12 बलुतेदार समाज बोपेगावच्या त्या प्रवृत्तीचा निषेध करतो.

*कण्हेरखेड वं त्याप्रमाणे ऐतिहासिक वारसा लाभलेल्या सर्व गावातील स्वाभिमानी गावकर्यांना विनंती राहील कि तुमचे आहो्भाग्य कि तुम्हाला महापुरुषांच्या गावात, कुळात जन्म मिळाला, त्याची आब रखा, वं भाडोत्री, भ्रष्टाचारी सुमार राजकीय पक्षाच्या स्वयं घोषित लोकांना महापुरुषांच्या रांगेतून दूर करा अशी मागणी किशोर शिंदे यांनी दिलेल्या पत्रकात म्हटले आहे...